القواعد الـ 10 للسوشيال ميديا

The end of apps as we know them
July 19, 2016

القواعد الـ 10 للسوشيال ميديا

مجال الـ social media بقى أساسي ومطلوب في كل مكان.. لو مهتم بالمجال ده ونفسك تشتغل فيه، لازم تراعي نقط معينة وتركز عليها، عشان ما تبقاش رقم من وسط أرقام كتير قرروا يزيدوا على الـ social media teams لكن ما ضافوش أي شغل أو أفكار creative فادت أي حد!

ودي الخطوات اللي لازم تراعيها وإنت بتبدأ شغل في المجال ده:

1- ادرس كتير، اقرأ معلومات عن أي وكل حاجة، بس خلي ليك جزء معين بتفهم فيه اكتر من الباقي وشاطر فيه.

2- مش معاك فلوس؟ مش عارف تروح فين؟ مش مهم..

طالما شايف كلامنا يبقى أكيد عند نت، دور وهتلاقي كورسات معتمدة ومقالات ومواضيع عن كل حاجة في السوشيال ميديا، ادرسها كويس ومهما عرفت.. افهم إن لسا في كمان..

3- هتعمل page ؟

اعرف إنت بتتكلم مع مين، جمهورك شكله إيه وسنه وجنسه وطريقة تفكيره، ادرسه كويس عشان تعرف هتكلمه ازاي.

4- اخلق علاقة بينك وبين جمهورك، تابعهم، رد على الـ comments وكل فترة خليهم يشاركوا معاك في اللي بتعمله، اسألهم دايماً عشان تعرف أفكارهم أكتر وعلشان تعلي الـ interactions.

5- العين بتحب تشوف صورة قبل ما تقرأ كلام، اهتم بالصور لأنها بتجذب الإنتباه أكتر، بس خليك عارف.. ” good picture with no good content or caption is weak”.

6- خليك ظريف بس بلاش تبقى سخيف، اعرف إزاي الجمهور هيتسقبل هزارك، واوعى تيجي جنب معتقداتهم الدينية، دي مش دايماً قصتك.

7- قدم لهم قيم وأفكار راقية بس تكون قابلة للتطبيق، بلاش تنمية بشرية ولا إحصائيات من كوكب المريخ، هتتقفش.

8- استغل الـ trend لصالحك، دايماً في نقطة ربط ممكن تتخلق بين حاجتين، حتى لو هتربط بين الكورة والشوكولاتة، هتعرف.

9- لو مش عارف تستغل الـ trend لحاجة في مجالك، يا ما تتكلمش عنه خالص، يا تسأل الناس عليه، شايفين ليه علاقة بيكوا؟ واللي بيسأل مابيخسرش.

10- حاول دايماً تبدع، وتوريهم زاوية مختلفة من كل موضوع وحكاية، الجديد دايماً بيبهر، وف الآخر مدى إبداعك هو اللي بيقيمك وبيميزك وبيخلي الناس تتابعك غنت عن غيرك.

Leave a Reply

Your email address will not be published. Required fields are marked *